ՀայերենEnglishРусский
 
Վերջին փոփոխությունները` 21/09/2018
ԱՐՑԱԽԻ ՀԱՆՐԱՊԵՏՈՒԹՅԱՆ ՆԱԽԱԳԱՀ
Բակո Սահակի Սահակյան
Home
/ Նորություններ / Oրենքներ, հրամանագրեր
 

 
Ձեր էլ. փոստի հասցեն:
 

Oրենքներ, հրամանագրեր


Ուղերձ «Հայաստան» համահայկական հիմնադրամի 2017 թվականի հեռուստամարաթոնի կապակցությամբ

Նախագահ Բակո Սահակյանը նոյեմբերի 23-ին ուղերձ է հղել «Հայաստան» համահայկական հիմնադրամի 2017 թվականի հեռուստամարաթոնի կապակցությամբ:
Ուղերձում ասված է.
<<Սիրելի՛ քույրեր ու եղբայրներ Մայր Հայաստանում, Սփյուռքում եւ Արցախում,
Թանկագի՛ն հայրենակիցներ,
Այսօր բոլորս կրկին միասնական ջանքերով պետք է մեկնարկ տանք Արցախի համար ռազմավարական կարեւոր նշանակություն ունեցող ծրագրերի՝ ուղղված խորքային հորերի հորատմանը, ոռոգման ցանցերի կառուցմանը եւ արեւային էներգիայի համակարգերի ներդրմանը:
Դրանց հաջող ու արդյունավետ իրականացման արդյունքում նոր որակ կհաղորդվի մեր երկրի սոցիալ-տնտեսական զարգացմանը եւ հանրապետության անվտանգության ամրապնդմանը:
Ժամանակակից ոռոգման համակարգ ունենալը հնարավորություն կտա նշանակալիորեն ավելացնել գյուղատնտեսական ապրանքների արտադրությունը, ավելի խնայողաբար օգտագործել ջրային եւ հողային ռեսուրսները, կնպաստի գյուղական բնակչության բարեկեցության մակարդակի բարձրացմանը՝ մշտական ու երաշխավորված աշխատատեղեր ստեղծելով շրջաններում:
Այն թույլ կտա ապահովել պարենային անվտանգության բարձր մակարդակ, մեծացնել եւ ընդլայնել Արցախից արտահանվող ապրանքների ծավալն ու տեսականին:
Ինչ վերաբերում է արեւային էներգիայի ներդրմանը, ապա սա նոր ուղղություն է մեր երկրի համար, որը, բնականաբար, որեւէ վտանգ չի ներկայացնում բնությանն ու շրջակա միջավայրին, ունի տնտեսական առավելություններ էներգիայի ավանդական տեսակների համեմատ եւ կարեւոր դերակատարություն կունենա էներգետիկ անվտանգության տեսանկյունից: Արցախում կան խոստումնալից հեռանկարներ էներգետիկայի այս ուղղությունը զարգացնելու համար:
Թանկագի՛ն հայրենակիցներ,
Մեր բոլոր հաղթանակների ու ձեռքբերումների հիմքում ընկած է Հայաստան-Արցախ-Սփյուռք կուռ եռամիասնությունը, եւ յուրաքանչյուրս պետք է ամեն ինչ անի այն էլ ավելի ամրապնդելու համար:
«Հայաստան» համահայկական հիմնադրամի կողմից կազմակերպվող ամենամյա հեռուստամարաթոնները մեր համազգային ներուժը կոնկրետ ծրագրերի ուղղելու կարեւոր հարթակներից են, որոնք իրենց արդյունավետությունը ապացուցում են արդեն քառորդ դար:
Համոզված եմ, որ այս անգամ եւս մենք կցուցաբերենք միասնականություն ու պատրաստակամություն համատեղ ջանքերով Արցախը շենացնելու եւ զորացնելու գործում:
Արցախի ժողովրդի, իշխանությունների եւ անձամբ իմ անունից շնորհակալություն եմ հայտնում բոլորիդ կարեւոր այս միջոցառմանը մասնակցելու համար:
Աշխարհասփյուռ հայությանը մաղթում եմ խաղաղություն, բարեկեցություն, նորանոր հաջողություններ ու ամենայն բարիք>>:

2017-11-23



2018-09-21Շնորհավորական ուղերձ Հայաստանի Հանրապետության անկախության օրվա առթիվ
2018-09-20Շնորհավորական ուղերձ Հարավային Օսիայի Հանրապետության Նախագահին
2018-09-01Նախագահ Բակո Սահակյանի շնորհավորական ուղերձ Արցախի Հանրապետության օրվա առթիվ
2018-09-01Շնորհավորական ուղերձ Մերձդնեստրի Նախագահին
2018-08-30Փոխգնդապետ Արմեն Բաղրյանին շնորհվել է ոստիկանության գնդապետի կոչում
2018-08-09Նախագահ Սահակյանն ստորագրել է հրամանագրեր
2018-08-01Արսեն Առստամյանը նշանակվել է Հանրային հեռուստառադիոընկերության խորհրդի անդամ
2018-07-31Կոմպոզիտոր Արթուր Գրիգորյանը պարգեւատրվել է «Մեսրոպ Մաշտոց» շքանշանով
2018-07-20Շնորհավորական ուղերձ Արցախի Հանրապետության արտաքին գործերի նախարարության 25-ամյակի կապակցությամբ
2018-07-19Նախագահ Սահակյանն ստորագրել է օրենք
2018-07-18Նախագահ Սահակյանն ստորագրել է հրամանագիր
2018-07-16Նախագահ Սահակյանն ստորագրել է օրենքներ
2018-07-16Փոփոխություններ գերիների, պատանդների եւ անհայտ կորածների հարցերով զբաղվող հանձնաժողովի կազմում
2018-07-11Նախագահ Սահակյանն ստորագրել է կարգադրություն
2018-07-10Արցախի Նախագահը պարգեւատրել է պրոֆեսոր Ա.Մալայանին <<Վաչագան Բարեպաշտ>> մեդալով
2018-07-03Նախագահ Սահակյանն ստորագրել է օրենքներ
2018-07-02Արայիկ Հարությունյանը նշանակվել է ԱՀ Նախագահի խորհրդական-հատուկ հանձնարարությունների գծով ներկայացուցիչ
2018-07-02Նախագահ Սահակյանը ներկայացրել է մշակույթի, երիտասարդության հարցերի եւ զբոսաշրջության նոր նախարարին
2018-06-30Վազգեն Միքայելյանն ազատվել է բնապահպանության եւ բնական ռեսուրսների նախարարի պաշտոնից
2018-06-29Ուղերձ «Քվանտային եւ մեզոսկոպիկ ֆիզիկայի նոր տենդենցներ» խորագրով միջազգային գիտաժողովի մասնակիցներին

photo
 
 
photo
 
 
© 2007—2018 ԼՂՀ Նախագահի աշխատակազմ
Made in ArattaDesign