ՀայերենEnglishРусский
 
Վերջին փոփոխությունները` 22/10/2018
ԱՐՑԱԽԻ ՀԱՆՐԱՊԵՏՈՒԹՅԱՆ ՆԱԽԱԳԱՀ
Բակո Սահակի Սահակյան
Home
/ Նորություններ / Oրենքներ, հրամանագրեր
 

 
Ձեր էլ. փոստի հասցեն:
 

Oրենքներ, հրամանագրեր


Ուղերձ Արցախի վերածննդի օրվա առթիվ

Նախագահ Բակո Սահակյանը փետրվարի 20-ին շնորհավորական ուղերձ է հղել Արցախի վերածննդի օրվա առթիվ:
Ուղերձում ասված է.
<<Սիրելի՛ հայրենակիցներ,
Արցախի Հանրապետության իշխանությունների եւ անձամբ իմ անունից ի սրտե շնորհավորում եմ ձեզ Արցախի վերածննդի օրվա առթիվ:
30 տարի է անցել այն օրից, երբ մեր ժողովուրդը միասնական ու միակամ ոտքի ելավ՝ իր վճռորոշ ձայնը բարձրացնելով հանուն մարդու իրավունքների պաշտպանության: Դա խաղաղ եւ արդարացի պահանջ էր, որին Ադրբեջանը պատասխանեց Բաքվում, Սումգայիթում եւ այլ բնակավայրերում հայ բնակչության կոտորածներով, բռնի տեղահանումներով, հազարավոր մարդիկ դարձան այդ հանցավոր քաղաքականության զոհ:
Ադրբեջանի կողմից մեզ պարտադրված անհավասար եւ արյունալի պատերազմը է՛լ ավելի կոփեց մեր ժողովրդի կամքը, միավորեց համայն հայությանը մեր պապենական հողը պաշտպանելու եւ նրա իրական տերը դառնալու գործում: Այդ միասնության ու համախմբվածության, մեր ժողովրդի հայրենասիրության եւ ազատատենչ ոգու շնորհիվ մենք կարողացանք ոչ միայն դիմակայել սանձազերծ հակառակորդին, այլեւ տոնել մեծ հաղթանակներ:
Եվ այսօր՝ 30 տարի անց, կարող ենք հպարտորեն արձանագրել, որ մեր ժողովրդի ընտրությունը ճիշտ էր, որ մենք այլ ճանապարհ չունեինք: Մայր Հայաստանի եւ Սփյուռքի մեր քույրերի ու եղբայրների հետ միասին հերոսաբար պաշտպանեցինք վտանգված հայրենիքը, վերականգնեցինք ավերված տնտեսությունը եւ ստեղծեցինք կայուն հիմքեր նրա հետագա զարգացման համար, կազմավորվեց պաշտպանության բանակը, որը դարձավ ոչ միայն մեր երկրի, այլեւ տարածաշրջանի կայունության ու խաղաղության երաշխավորը, ծնվեց ու դաստիարակվեց մի սերունդ, ում համար հայրենիքի ազատությունն ու անկախությունը բացառիկ արժեքներ են:
Թանկագի՛ն բարեկամներ,
Ես ավելի քան վստահ եմ, որ մեր ժողովուրդը կյանքի է կոչելու իր բոլոր նվիրական իղձերն ու նպատակները:
Մեկ անգամ եւս շնորհավորում եմ բոլորիս պետական կարեւորագույն տոնի կապակցությամբ եւ մաղթում խաղաղություն ու մեծագույն հաջողություններ մեր հայրենիքին ու ժողովրդին>>:

2018-02-20



2018-10-20Շնորհավորական ուղերձ Արամ Առաջին Մեծի Տանն Կիլիկիո Կաթողիկոսի ձեռնադրման 50-ամյակի կապակցությամբ
2018-10-11Նախագահ Սահակյանն ստորագրել է հրամանագիր
2018-10-08Ցավակցական հեռագիր Մոնսերատ Կաբալյեի մահվան կապակցությամբ
2018-10-08Նախագահ Բակո Սահակյանն ստորագրել է օրենքներ
2018-10-05Հրամանագիր Շառլ Ազնավուրի մահվան կապակցությամբ Արցախում սուգ հայտարարելու մասին
2018-10-04Նախագահ Սահակյանի շնորհավորական ուղերձը ուսուցչի օրվա առթիվ
2018-10-02Ցավակցական հեռագիր Շառլ Ազնավուրի մահվան կապակցությամբ
2018-09-29Շնորհավորական ուղերձ Աբխազիայի Հանրապետության Նախագահ Ռաուլ Խաջիմբային
2018-09-27ՊԲ զինծառայող Աղասի Մկրտչյանը հետմահու պարգեւատրվել է <<Մարտական ծառայություն>> մեդալով
2018-09-24Գնդապետ Բորիս Արկադիի Դավիդովին շնորհվել է գեներալ-մայորի զինվորական կոչում
2018-09-23ՊԲ զինծառայող Արցախ Հովսեփյանը հետմահու պարգեւատրվել է <<Մարտական ծառայություն>> մեդալով
2018-09-21Շնորհավորական ուղերձ Հայաստանի Հանրապետության անկախության օրվա առթիվ
2018-09-20Շնորհավորական ուղերձ Հարավային Օսիայի Հանրապետության Նախագահին
2018-09-01Նախագահ Բակո Սահակյանի շնորհավորական ուղերձ Արցախի Հանրապետության օրվա առթիվ
2018-09-01Շնորհավորական ուղերձ Մերձդնեստրի Նախագահին
2018-08-30Փոխգնդապետ Արմեն Բաղրյանին շնորհվել է ոստիկանության գնդապետի կոչում
2018-08-09Նախագահ Սահակյանն ստորագրել է հրամանագրեր
2018-08-01Արսեն Առստամյանը նշանակվել է Հանրային հեռուստառադիոընկերության խորհրդի անդամ
2018-07-31Կոմպոզիտոր Արթուր Գրիգորյանը պարգեւատրվել է «Մեսրոպ Մաշտոց» շքանշանով
2018-07-20Շնորհավորական ուղերձ Արցախի Հանրապետության արտաքին գործերի նախարարության 25-ամյակի կապակցությամբ

photo
 
 
photo
 
 
© 2007—2018 ԼՂՀ Նախագահի աշխատակազմ
Made in ArattaDesign