ՀայերենEnglishРусский
 
Վերջին փոփոխությունները` 24/01/2019
ԱՐՑԱԽԻ ՀԱՆՐԱՊԵՏՈՒԹՅԱՆ ՆԱԽԱԳԱՀ
Բակո Սահակի Սահակյան
Home
/ Նորություններ / Oրենքներ, հրամանագրեր
 

 
Ձեր էլ. փոստի հասցեն:
 

Oրենքներ, հրամանագրեր


Շնորհավորական ուղերձ Արցախի Հանրապետության արտաքին գործերի նախարարության 25-ամյակի կապակցությամբ

Նախագահ Բակո Սահակյանը հուլիսի 20-ին շնորհավորական ուղերձ է հղել Արցախի Հանրապետության արտաքին գործերի նախարարության 25-ամյակի կապակցությամբ:
Ուղերձում ասված է.
<< Արցախի Հանրապետության արտաքին գործերի նախարարության հարգելի՛ աշխատակիցներ,
Իշխանությունների եւ անձամբ իմ անունից ի սրտե շնորհավորում եմ ձեզ նախարարության հիմնադրման 25-ամյակի առթիվ։
Արցախի արտաքին գործերի նախարարությունը՝ որպես յուրաքանչյուր անկախ եւ ինքնիշխան երկրի կարեւոր պետական մարմին, հիմնադրվել է մեր ժողովրդի համար բախտորոշ շրջանում՝ ադրբեջանական ագրեսիայի ամենաթեժ ժամանակահատվածում:
Գործելով ռազմական դրության պայմաններում՝ գերատեսչությունն անցել է բարդ ու դժվարություններով լի ճանապարհ` պատվով իրականացնելով իր առջեւ դրված խնդիրները։
Արտաքին գործերի նախարարությունն ակտիվորեն մասնակցել է ադրբեջանա-ղարաբաղյան հակամարտության կարգավորմանն ուղղված բանակցություններին եւ 1994 թվականի հրադադարի համաձայնագրի մշակման ու ստորագրման գործին։
Պատերազմական գործողությունների ավարտից հետո նախարարության աշխատակիցները գործուն մասնակցություն են ունեցել ադրբեջանա-ղարաբաղյան հակամարտության խաղաղ կարգավորման գործընթացում՝ զուգահեռաբար պաշտպանելով հանրապետության շահերը միջազգային հարթակներում, զարգացնելով տարբեր երկրների հետ փոխշահավետ համագործակցությունը, Արցախի մասին ճշմարտացի տեղեկություններ ներկայացնելով աշխարհին եւ պայքարելով քաղաքական ու լրատվական դաշտում Ադրբեջանի ագրեսիվ պահվածքի դեմ:
Համոզված եմ, որ Արցախի Հանրապետության արտաքին գործերի նախարարությունը, ունենալով անհրաժեշտ ներուժ, այսուհետ եւս պատշաճ կերպով կիրականացնի իր գործառույթները եւ արժանվույնս կներկայացնի մեր երկիրն արտաքին ասպարեզում:
Մեկ անգամ եւս շնորհավորում եմ Արցախի Հանրապետության արտաքին գործերի նախարարության կենտրոնական ապարատի եւ արտերկրում Արցախի դիվանագիտական ներկայացուցչությունների աշխատակիցներին հիշարժան հոբելյանի առթիվ:
Մաղթում եմ բոլորիդ խաղաղություն, քաջառողջություն, նորանոր ձեռքբերումներ եւ ամենայն բարիք>>:

2018-07-20



2019-01-20Շնորհավորական ուղերձ Դատական համակարգի աշխատողի օրվա կապակցությամբ
2019-01-16Ուղերձ Հայ Յեղափոխական Դաշնակցության Ընդհանուր ժողովի մասնակիցներին
2019-01-14Շնորհավորական ուղերձ Հայաստանի Հանրապետության վարչապետ Նիկոլ Փաշինյանին
2018-12-31Շնորհավորական ուղերձ Ամանորի եւ Սուրբ Ծննդյան տոների կապակցությամբ
2018-12-28Նախագահ Բակո Սահակյանն ստորագրել է օրենքներ
2018-12-28Նախագահ Բակո Սահակյանն ստորագրել է օրենքներ
2018-12-21Ռուբեն Մելիքյանը պարգեւատրվել է <<Մխիթար Գոշ >> մեդալով
2018-12-20Շնորհավորական ուղերձ Ազգային անվտանգության ծառայողի մասնագիտական տոնի առթիվ
2018-12-20Նախագահ Բակո Սահակյանն ստորագրել է օրենքներ
2018-12-14ԱՀ Նախագահն ստորագրել է մի շարք հրամանագրեր եւ հաստատել կառավարության որոշումներ կադրային հարցերով
2018-12-13Նախագահ Սահակյանն ստորագրել է օրենքներ
2018-12-10Շնորհավորական ուղերձ ԼՂՀ պետական անկախության մասին հանրաքվեի եւ Սահմանադրության օրվա առթիվ
2018-12-10Շնորհավորական ուղերձ ՀՀ վարչապետի պաշտոնակատար Նիկոլ Փաշինյանին
2018-12-05Ցավակցական հեռագիր ՀՀ ԶՈՒ ռազմական ինքնաթիռի վթարի հետեւանքով զոհված օդաչուների ընտանիքներին
2018-11-30Շնորհավորական ուղերձ Ոստիկանության ծառայողի օրվա առթիվ
2018-11-30Հրամանագիր 2019 թվականի ձմեռային զորակոչ անցկացնելու եւ զորացրում կատարելու մասին
2018-11-26Շնորհավորական ուղերձ Դատախազության օրվա առթիվ
2018-11-13Նախագահ Սահակյանը հաստատել է Կառավարության որոշում
2018-11-13Նախագահ Սահակյանն ստորագրել է օրենքներ
2018-11-10Գնդապետ Աշոտ Հակոբջանյանը նշանակվել է ԱՀ ոստիկանության պետի տեղակալ

photo
 
 
photo
 
 
© 2007—2019 ԼՂՀ Նախագահի աշխատակազմ
Made in ArattaDesign