ՀայերենEnglishРусский
 
Վերջին փոփոխությունները` 24/01/2019
ԱՐՑԱԽԻ ՀԱՆՐԱՊԵՏՈՒԹՅԱՆ ՆԱԽԱԳԱՀ
Բակո Սահակի Սահակյան
Home
/ Նորություններ / Oրենքներ, հրամանագրեր
 

 
Ձեր էլ. փոստի հասցեն:
 

Oրենքներ, հրամանագրեր


Շնորհավորական ուղերձ Ամանորի եւ Սուրբ Ծննդյան տոների կապակցությամբ

Արցախի Հանրապետության Նախագահ Բակո Սահակյանը դեկտեմբերի 31-ին շնորհավորական ուղերձ է հղել Ամանորի եւ Սուրբ Ծննդյան տոների կապակցությամբ:
Ուղերձում ասված է.
<<Սիրելի՛ հայրենակիցներ,
Արցախի Հանրապետության թանկագի՛ն քաղաքացիներ,
Ահա եւ մենք պատրաստվում ենք հրաժեշտ տալ հին տարուն եւ դիմավորել նոր՝ 2019 թվականը:
Այս պահին բոլորս, բնականաբար, համակված ենք հուզախառն զգացումներով, լի՝ նոր ու բարի սպասելիքներով:
Ամանորի եւ Սուրբ Ծննդյան տոները մեզ տեղափոխում են մեր մանկության աշխարհը, որտեղ գերիշխում էին սերն ու ջերմությունը, հոգատարությունն ու լավատեսությունը, հույսն ու հավատը, որ անպայման տեղի կունենա իսկական հրաշք եւ կիրականանան նվիրական երազանքներն ու ցանկությունները:
Հոգու խորքում մենք բոլորս ցանկանում ենք, որ մեր ընտանիքի անդամները, հարազատները, բարեկամները, ընկերները լինեն առողջ ու երջանիկ, որ խաղաղություն տիրի աշխարհում, կայուն ու դինամիկ կերպով զարգանա հայրենի երկիրը:
Դրա հետ մեկտեղ, կազմում ենք ծրագրեր, որոնք պիտի կյանքի կոչենք նոր տարում՝ էլ ավելի ամրապնդելով մեր պետականությունը, պաշտպանունակությունը եւ անվտանգությունը, զարգացնելով տնտեսությունը, բարելավելով մարդկանց կենսապայմանները, բարձրացնելով բնակչության կենսամակարդակը:
Մենք համատեղ ուժերով կիրականացնենք բոլոր նախատեսված ծրագրերը, միասին ու համախմբված կլուծենք համազգային խնդիրները եւ կտոնենք նոր հաղթանակներ՝ միշտ կուռ պահելով Հայաստան-Արցախ-Սփյուռք անսասան եռամիասնությունը:
Մեր հաջողությունների հիմնական երաշխավորը, առաջին հերթին, մեր հերոսական բանակն է, հայրենիքի պաշտպանության դիրքերում կանգնած հայ զինվորը:
Ինչպես միշտ, գալիք տարում եւս առանձնահատուկ ուշադրության կենտրոնում է լինելու բանակաշինության ոլորտը, եւ արվելու է հնարավորը Պաշտպանության բանակի մարտունակության աստիճանը բարձր պահելու, այդ եւ մյուս բոլոր բնագավառներում հայկական երկու հանրապետությունների համագործակցությունը խորացնելու ուղղությամբ:
Այս տոնական օրը ուզում եմ նախ եւ առաջ շնորհավորել զինված ուժերի ողջ անձնակազմին, մաղթել նրանց բարի եւ անփորձանք ծառայություն:
Ուզում եմ շնորհավորել մեր վետերաններին, հիշել նրանց, ովքեր ֆիզիկապես մեզ հետ չեն: Թող Աստված լուսավորի մեր նահատակների հոգիները:
Շնորհավորում եմ ձեզ, սիրելի արցախցիներ, ողջ հայ ժողովրդին, մայր Հայաստանի եւ սփյուռքի մեր քույրերին ու եղբայրներին:
Թող 2019 թվականը մեր հայրենիքի համար լինի խաղաղության, հաղթանակների, նոր հաջողությունների եւ ձեռքբերումների տարի:
Մաղթում եմ բոլորիդ քաջառողջություն, երջանկություն ու ամենայն բարիք:
Շնորհավոր Ամանոր եւ Սուրբ Ծնունդ>>:

2018-12-31



2019-01-20Շնորհավորական ուղերձ Դատական համակարգի աշխատողի օրվա կապակցությամբ
2019-01-16Ուղերձ Հայ Յեղափոխական Դաշնակցության Ընդհանուր ժողովի մասնակիցներին
2019-01-14Շնորհավորական ուղերձ Հայաստանի Հանրապետության վարչապետ Նիկոլ Փաշինյանին
2018-12-31Շնորհավորական ուղերձ Ամանորի եւ Սուրբ Ծննդյան տոների կապակցությամբ
2018-12-28Նախագահ Բակո Սահակյանն ստորագրել է օրենքներ
2018-12-28Նախագահ Բակո Սահակյանն ստորագրել է օրենքներ
2018-12-21Ռուբեն Մելիքյանը պարգեւատրվել է <<Մխիթար Գոշ >> մեդալով
2018-12-20Շնորհավորական ուղերձ Ազգային անվտանգության ծառայողի մասնագիտական տոնի առթիվ
2018-12-20Նախագահ Բակո Սահակյանն ստորագրել է օրենքներ
2018-12-14ԱՀ Նախագահն ստորագրել է մի շարք հրամանագրեր եւ հաստատել կառավարության որոշումներ կադրային հարցերով
2018-12-13Նախագահ Սահակյանն ստորագրել է օրենքներ
2018-12-10Շնորհավորական ուղերձ ԼՂՀ պետական անկախության մասին հանրաքվեի եւ Սահմանադրության օրվա առթիվ
2018-12-10Շնորհավորական ուղերձ ՀՀ վարչապետի պաշտոնակատար Նիկոլ Փաշինյանին
2018-12-05Ցավակցական հեռագիր ՀՀ ԶՈՒ ռազմական ինքնաթիռի վթարի հետեւանքով զոհված օդաչուների ընտանիքներին
2018-11-30Շնորհավորական ուղերձ Ոստիկանության ծառայողի օրվա առթիվ
2018-11-30Հրամանագիր 2019 թվականի ձմեռային զորակոչ անցկացնելու եւ զորացրում կատարելու մասին
2018-11-26Շնորհավորական ուղերձ Դատախազության օրվա առթիվ
2018-11-13Նախագահ Սահակյանը հաստատել է Կառավարության որոշում
2018-11-13Նախագահ Սահակյանն ստորագրել է օրենքներ
2018-11-10Գնդապետ Աշոտ Հակոբջանյանը նշանակվել է ԱՀ ոստիկանության պետի տեղակալ

photo
 
 
photo
 
 
© 2007—2019 ԼՂՀ Նախագահի աշխատակազմ
Made in ArattaDesign