ՀայերենEnglishРусский
 
Վերջին փոփոխությունները` 22/10/2018
ԱՐՑԱԽԻ ՀԱՆՐԱՊԵՏՈՒԹՅԱՆ ՆԱԽԱԳԱՀ
Բակո Սահակի Սահակյան
Home
/ Նորություններ / Այցեր, այցելություններ
 

 
Ձեր էլ. փոստի հասցեն:
 

Այցեր, այցելություններ


Նախագահը մասնակցել է Ալֆորվիլի ու Բերձորի միջեւ բարեկամության հռչակագրի ստորագրման միջոցառմանը

Արցախի Հանրապետության Նախագահ Բակո Սահակյանը նոյեմբերի 20-ին ժամանել է Ֆրանսիայի Ալֆորվիլ քաղաք եւ մասնակցել Ալֆորվիլի ու Բերձորի միջեւ բարեկամության հռչակագրի ստորագրման հանդիսավոր միջոցառմանը:
Իր խոսքում Նախագահ Սահակյանը բարեկամության հռչակագրի ստորագրումը որակել է որպես Արցախի համար նշանակալի իրադարձություն քաղաքական, իրավական ու բարոյական տեսանկյուններից, ինչը, առաջին հերթին, բարեկամ երկրի՝ Ֆրանսիայի հետ կապերի ամրապնդման եւ զարգացման կարեւոր հիմքերից է:
«Ֆրանսիայի եւ նրա վարչական շրջանների հետ փոխգործակցությունը մեր արտաքին քաղաքականության հիմնական ուղղություններից է, եւ քույր քաղաքների ցանկի ու աշխարհագրության ընդլայնումը, նրանց հետ կապերի խորացումը այս քաղաքականության առանցքային բաղադրամասերից է»,- իր ելույթում ընդգծել է երկրի ղեկավարը:
Նախագահի խոսքով՝ Ալֆորվիլ քաղաքի հետ փոխգործակցության ընթացքում արդեն իսկ արձանագրվել են հիշատակման արժանի դրվագներ, եւ այս համատեքստում Բակո Սահակյանը նշել է 2016 թվականի սեպտեմբերին քաղաքապետ Լյուկ Կարվունասի գլխավորած պատվիրակության այցն Արցախ եւ Ապրիլյան պատերազմի օրերին Ալֆորվիլում տեղի ունեցած բազմամարդ ցույցը՝ ի սատարումն Արցախի ու ընդդեմ ադրբեջանական բռնությունների: Արցախի Հանրապետության Նախագահը նշեց, որ այս ամենը ողջ աշխարհին ցույց տվեց ագրեսիայի անընդունելի լինելը քաղաքակիրթ հանրության համար:
«Մենք երախտապարտ ենք բոլոր նրանց, ովքեր Արցախի հետ են, ովքեր պայքարում են հանուն ազատության եւ հավասարության, մարդու իրավունքների եւ արժանապատվության պաշտպանության: Դա խիզախ եւ ընդօրինակման արժանի պահվածք է»,- շեշտել է Նախագահ Սահակյանը:
Բակո Սահակյանն ընդգծել է, որ Ալֆորվիլի եւ Բերձորի համագործակցությունն ունի խոստումնալից հեռանկարներ աշխատանքների ճիշտ կազմակերպման դեպքում՝ վստահություն հայտնելով, որ համատեղ ուժերով հաջողվելու է կյանքի կոչել բազմաթիվ ծրագրեր:

2017-11-20



2018-10-21Նռան փառատոն Մարտունի քաղաքում
2018-10-19Այցելություն Ստեփանակերտի ուռուցքաբանական կենտրոն
2018-10-18Մսմնայի ճակատամարտի 100-ամյակին նվիրված տոնական միջոցառում
2018-10-18Այցելություն արցախա-ադրբեջանական սահմանագծի արեւելյան հատված
2018-10-16Այցելություն Քաշաթաղի շրջան
2018-10-14Գյուղատնտեսության աշխատողի օրվա կապակցությամբ կազմակերպված տոնավաճառ
2018-10-12<<Արցախի պառլամենտականների ասոցիացիա>> հասարակական կազմակերպության առաջին ընդհանուր ժողով
2018-10-12Այցելություն կենտրոնական ենթակայության զորամասերից մեկը
2018-10-09Այցելություն սահմանագծի հարավային հատված
2018-10-08Այցելություն արցախա-ադրբեջանական սահմանագծի որոշ հատվածներ
2018-10-06Հիշատակման արարողություն Շառլ Ազնավուրի մահվան կապակցությամբ
2018-10-03Ստեփանակերտի Հ.Թումանյանի անվան թիվ 9 դպրոցի վերաբացման հանդիսավոր արարողություն
2018-10-02Նախագահը ներկա է գտնվել պլանային հրամանատարական հավաքներին
2018-09-28Նախագահ Սահակյանն Ազոխ գյուղում մասնակցել է դպրոցի նորակառույց շենքի բացման արարողությանը
2018-09-26Օրենսդիր-գործադիր հարցուպատասխանի ընթացակարգ
2018-09-25Բակո Սահակյանը ներկա է գտնվել չեխիաբնակ հայ նկարչի ցուցահանդեսի բացման արարողությանը
2018-09-22Նախագահ Սահակյանը Երեւանում այցելել է Հայրենիքի պաշտպանի վերականգնողական կենտրոն
2018-09-21Նախագահ Սահակյանը Երեւանում մասնակցել է Հայաստանի խորհրդարանի հիմնադրման 100-ամյակին նվիրված տոնական միջոցառմանը
2018-09-21Նախագահ Սահակյանն այցելել է <<Եռաբլուր>> պանթեոն
2018-09-19Նախագահ Սահակյանը եւ ՀՀ վարչապետ Փաշինյանն այցելել են սահմանագիծ

photo
 
 
photo
 
 
© 2007—2018 ԼՂՀ Նախագահի աշխատակազմ
Made in ArattaDesign